..........(بحبك )...........
بحبك قوليلى إيه ذنبى
يالابسه الفوشيه والبمبى
وليه ديماً بتهربى منى
تعالى اقعدى هنا جنبى
جمالك بدر لصباحى
سهران وياكى هنا صاحى
ياأجمل زهر بستانى
السهره معاكى صباحى
شفايفك هما دول زادى
وبين صدرك جمال وادى
وعشان حبك أنا سواح
وتركت حدودى وبلادى
ودا عودك جميل مياس
ومن خدودك شربت الكاس
ودا قلبى مابين إيدك
مقدمهولك وفا وإخلاص
ومن وجهك يشع النور
وحنان قلبك يفيض بحور
ياأجمل قمر لسمايا
حروف إسمك مابين سطور
انتى سر لحياتى
وضيائك نوره فى ذاتى
ياورده بيضه منديه
على غصنك ملذاتى
بقلم عمر ابو عميره
ليست هناك تعليقات:
إرسال تعليق