قصيدة رثاء
لأم الشهيد/ سعيد حمدي كروش
بالعاميه المصريه
***************
لما غطاكي بتفرديه
وتفصليه
خيمة حداد
ومخده بالريش النعام
بتحوليها بصهد أنفاسك
رماد
ما بحبكيش
ماقصدش اقول
اني بصحيح
مابحبكيش
مابحبكيش تستعطفي
عين تختفي
والتانيه تنصبلك مزاد
ماباحبكيش تسترسلي
وتحولي
همس الليالي بسترها
حزمة أهات
ملعونه يادي المعطيات
ملعوه لما بتوجعك
ع السكه
ساحباكي لموات
بتقولي ان ابنك شهيد
آي نعم قولك أكيد
كلنا نعرف سعيد
مايهمنيش
فين اتولد
ولا امتي ف الطول اتفرد
مايهمنيش
انكنه بحر خطوته
ناحية رشيد
أو إنه قبل وقتها
يم الصعيد
لكنه من صعب المحال
انك بايدك
تجدلي حبلك عناد
لو بس
تيجي وتحضني
سيحه وحماده
واختهم بنتك سعاد
راح تاخدي مفتاح السعاده
ينفتح بيه الفؤاد
والاب والزوج العزيز
في العشره كان
حلو ولذيذ
من بعد ما سقت ف عنادك
للدنيا بيبيع اللي ليه
رممي الشرخ اللي فيه
حاتعرفيه
ان الغطا ..ذاته بعينيه
حاتفصليه
توب للزفاف
حتي المخده اللي اختفت
وسط الرماد
استرجعت
ريشها النعام
واتأكديله
انك حاتيجي لمطرحه
ف أقرب معاد
تتزوقيله
من جديد
مغاوري كروش
ليست هناك تعليقات:
إرسال تعليق