زجلية
(فاقدالصحة)
يومك كله
مايجيبش كيلو لحمة
وشغلك عمره
ما بان إلا. في الزحمة
ٱاه
يا(مصري) ياإبن الإيه
يافاقد الصحة
بس :
قادر تجيب لنا
الإبن والخال. والعمة
وعجبي
حربي علي
شاعرالسويس
إظهار الرسائل ذات التسميات قصيدة زجل عامية. إظهار كافة الرسائل
إظهار الرسائل ذات التسميات قصيدة زجل عامية. إظهار كافة الرسائل
الجمعة، 5 أكتوبر 2018
مجلة سماء الإبداع للشعر والأدب الإلكترونية كتب الشاعر حربي علي قصيدة بعنوان فاقد الصحة
الاثنين، 2 أبريل 2018
مجلة سماء الأبداع للشعر والأدب الألكترونية كتب الشاعر حربي علي قصيدة بعنوان الخيال
زجل
(الخيال)
الخيال . واسع
والواقع شارع
(إمشيه أضمن)
تلقى شيئ نافع
تصويرك . عالي
مش فاهمه حالي
(أيامي الجاهله)
ياشاعر . صايع
إكتب . الحاصل
بصدق وتواصل
(إنت كدا بتكدب)
وقلبي مش سامع
حتى . مكة
مفهاش ملايكة
(يا ساكن البرج)
إنزل . السابع
حربي علي
شاعر السويس
السبت، 31 مارس 2018
مجلة سماء الأبداع للشعر والأدب الألكترونية كتب الشاعر حربي علي قصيدة بعنوان إسمع كلامي
زجل
(إسمع كلامي)
أقوله . إسمع كلامي
يقولي حاضر وماشي
سيب صبري وتهامي
يقولي . النيل نجاشي
أقوله . بخاف عليك
يزيد صوت الندا
إفهمني الله يجازيك
يرد . رد معدده
تعبني كتير مافاهم
عمال أسلف تفاهم
وأصرف ع المواشي
أقوله إسمع كلامي
يقولي حاضر وماشي
صاحبي ياريته يفهم
شرب (الدخان) حرام
أقوله ياعم إرحم
يجيبلي كتر الكلام
أبوه . عنه ماراضي
والدماغ خليته فاضي
والبانجو مكفهاشي
أقوله إسمع كلامي
يقولي حاضر وماشي
صرفت من جيبي أنا
على صاحب كان أصيل
كان زهرة سوسنا
دلوقت بقالوا دليل
الكيف . ضيع مستقبله
وزمايله بيستهبلوا
وإن جه تقول مجاشي
أقوله . إسمع كلامي
يقولي حاضر وماشي
سيب صبري وتهامي
يقولي . النيل نجاشي
فكرة
وحرف
(حربي علي)
شاعرالسويس
الثلاثاء، 20 مارس 2018
مجلة سماء الأبداع للشعر والأدب الألكترونية كتب الشاعر حربي علي قصيدة بعنوان حقك ضاع
زجل
(حقك ضاع)
حقك ضاع
م إنت. بتاع
لا عارف تكدب
ولا تشتري البياع
خش المكتب
إتشجع وإشرب
من. نبع النخبة
(مفيش معلقة)
قلب / بصباع
إتعلم. تنافق
مهندس مرافق
بلاش. تهاجم
دي عصابة / يابا
وإنت أضعف دفاع
حزين. ليه؟؟؟
ربي عيالك يابيه
كل . بلادك كدا
ف الشغل. ظالمة
ولكل قطاع. صياع
وعجبي
زجل
ف العمل
لحربي علي
شاعرالسويس
الخميس، 15 مارس 2018
مجلة سماء الأبداع للشعر والأدب الألكترونية كتب الشاعر حربي علي قصيدة بعنوان كتاب شياطين
زجل
(كتاب شياطين)
شعراء/كتاب/شياطين
باعوا التقاليد . والدين
واحد . كاتب (أعبدك)
حمار ولا فاهم حاجة
أشرك بالله . في منت
عشان. تصويره السادة
عايش . قصة تيتانك
مهو أستاذوا خواجة
وزميل اللورد كوهين
شعراء/كتاب/ شياطين
باعوا التقاليد . والدين
وواحدة غبية (شعر)
بتقول : أحب المخمور
أسلوبها تحت الصفر
عاوزه الكل يزور
باعت الجسم بعذر
أقبح . من أي فجور
خلعت وقار السمر
ولبست خيال مادلين
شعراء/كتاب/ شياطين
باعوا التقاليد . والدين
نقد
ساخر
لحربي علي
شاعرالسويس
الاثنين، 12 مارس 2018
مجلة سماء الأبداع للشعر والأدب الألكترونية كتب الشاعر حربي علي قصيدة بعنوان ثقافة غربي
زجل
(ثقافة غربي)
بيحب مصر بثقافة غربي
شباب وكسر عامل أوروبي
أديله صفر بس الل يعبي
واقف يعارض بصورة جيفارا
باليد عاضض علبة سيجارة
يشرب / يعفر شارع وحارة
وإن جه يفكر / يقفل إشارة
ومصرتصغرفي عيون حبايبي
بيحب مصر بثقافة غربي
عاوز يكون زي كاسترو
أو لينين دا الل فاكروا
فيلسوف غبي يشد آزره
يبيع / يشتري ويضل فكرو
وعنده النبي ساكن في جمبي
بيحب مصر بثقافة غربي
فاكر بلدنا بنظامه تمشي
وتاريخ جدودنا مايفطر يعشي
عايزله قدوة كافره تحشي
أفكارها مرة تلخبط لي وشي
فاكرها حلوة تقولوا . جبي
بيحب مصر بثقافة غربي
شباب وكسر عامل أوروبي
أديله صفر بس الل يعبي
(نقد ذاتي)
لحربي علي
شاعرالسويس
السبت، 10 مارس 2018
مجلة سماء الأبداع للشعر والأدب الألكترونية كتب الشاعر حربي علي قصيدة بعنوان دنيا الفراغ
زجل
(دنيا الفراغ)
تعبت . من الدماغ
قدمت . 200 بلاغ
هوه أنا قصه تانية؟
وغريب جدا يادنيا؟
كل حب أشوفه
أتوه مابين ظروفه
ألاقي . كنز خوفه
حديد بقرش صاغ؟
تعبت . من الدماغ
لفيت بلاد وجيت
مافهمني أي بيت
سراب بس ينادينا
توهه . تصد فيناا
وخيال إبن اللذينا
شعاع في العين وزاغ
تعبت . من الدماغ
كداب ويقولي فاهم
ضيع . كلمة تفاهم
خلاص سديت منافذ
مليش ف الحب حافز
ح أمشي بمخ عاجز
وأعيش دنياا الفراغ
تعبت . من الدماغ
قدمت . 200 بلاغ
(دنيا الفراغ)
حربي علي
شاعرالسويس
الأربعاء، 7 مارس 2018
مجلة سماء الأبداع للشعر والأدب الألكترونية كتب الشاعر حربي علي قصيدة بعنوان قالولي صاحبك
زجل
(قالولي صاحبك)
قالولي
صاحبك بوشين
أنا قلت الله أعلم بالباطن
قالولي
إنت مسكين
متعرفش باللي جواه ساكن
ولما
شفتك
على حقيقتك
قلت هما على حق ولكن :
أنا
متربيتش
عشان أجرحك
وأعمل زيك. ف الأماكن
مش
من طبيعتي
أطعن ف الضهر
والكلام الحلو . ضامن
مش
ح أخلف
إبن يكدبني
ويحرق . شجر الجناين
ولا
ح قول
مصلحتي .
وأركب موج البحر والسفاين
عمري
ماهنسى الزمالة
ولا هاجي أختار وأعاين
ولا
ح نقي
لون رمادي
وإختياركم أسود داكن
ولا
ح أغير
نفسي مهما
كان الكرسي له بريق وفاتن
ولا
هضرب
تحت الحزام
وأنا السلام جوايا آمن
خلوني
فى ضريح خيالي
ليه نعيش في كهف المدافن؟
ليه
نقلب
الحق باطل
وهوه قدام عنينا وفينا باين؟
أنا
ح أقولها
كلمة
بتقولها. عامة
جوه الشوارع والمداين
حسبي الله
ونعم الوكيل
في :
كل صاحب ظالم. وكل خاين
حربي علي
شاعرالسويس
مجلة سماء الأبداع للشعر والأدب الألكترونية كتب الشاعر حربي علي قصيدة بعنوان الروتين
زجل
(الروتين)
أه يانا . من الروتين
خلانا . من الفاشلين
حالي إنسان / آلى
مازنجر . وبغيارين
اليوم . مشواره بيوم
نمشيه ف أوضة النوم
أدوب الصلى والصوم
تغيير . للمسلمين
أه يانا . من الروتين
ف البيت نفس السيرة
بس .
ياواد سكوت ياأميرة
كإنك قاعدجوه جزيرة
مفهاش م البني آدمين
أه يانا . من الروتين
في
الشارع قافلين. سكة
والدمعة أخت الضحكة
الحب فلوس والفكة
قلب . عشق ملايين
أه يانا . من الروتين
تطلع شغلك . راكع
من :
عرقك . يبنوا مصانع
رأسمالية إيه المانع
ع القفا . تضرب كفين
أه يانا . من الروتين
تعود للبيت مهدود
تلقى الحال موجود
زوجة عبد الموجود
بتشخر . ليها يومين
أه يانا من الروتين
عيشة تذل / تغل
مايعيشها غير دوهل
حتى ياناس الفل
خلاها . جلة وطين
أه يانا . من الروتين
خلانا . من الفاشلين
(الروتين)
حربي علي
شاعرالسويس
الاثنين، 5 مارس 2018
مجلة سماء الأبداع للشعر والأدب الألكترونية كتب الشاعر حربي علي قصيدة بعنوان أجازة
زجل
(أجازة)
نفسي
أخد أجازة
من :
كيف . ولماذا
وأعيش
ف الدنيا
ولا أسال .
ماهذا ؟
اللي ماله عازة .
نفسي
أنام حتى موت
م الكلام
مسمعش صوت
وكل
اللي يعدي
عليا / يفوت
زي الطفل
في بقه بزازة .
مش
عايز أكلم حد
تعبت
من الأخد والرد
مدام
كلامي جد
واللي
سامعني
عبد . لإزازة .
لا
صغير .
فاهم . كبيره
ولا
كبير
فيه :
بدل . غيره
كلها
عيال وبكتيره
تشوفها .
في قعدة جنازة .
الحب
كااان
لما كنا
عايشين
بسلام ومحنة
آجي
أحن
عليك بجنة
وتحن
بضحكة. طازة .
مش
هكتب
تاني :
مش هكتب
لا
شعر
ولا زجل مترتب
وليه
أعصر
نفسي وأتعذب؟
وأنا
كل :
ماحس. بتجازى .
نفسي
أخد أجازة
من :
كيف . ولماذا
كلمات
حربي علي
شاعرالسويس
27 / 11 / 2016
الاثنين، 26 فبراير 2018
مجلة سماء الأبداع للشعر والأدب الألكترونية كتب الشاعر حربي علي قصيدة بعنوان المسيرة
زجلية
(المسيرة)
إزاي تكمل المسيرة
دي :
حاجه مش عسيرة
خليك راجل. بجد
متبقاش عيل.
زي عيال. كتيرة
بس خلاص
حربي علي
شاعرالسويس
مجلة سماء الأبداع للشعر والأدب الألكترونية كتب الشاعر جرجس لفلوف قصيدة بعنوان قصة حب
قصة حب ..شعرزجل
قالوا عنتر جن بعبلا
وعبلا بحبو جنت اكتر
وقتا كنت بحب الحلوة
وغار عليا وانطر واسهر
وعدتني وبالحب وعدتا
وصرنا بلهفة الموعد ننطر
ليلتها شو كانت عتمة
والدنيا كانت عمتمطر
تلاقينا وما بعرف كيف
لساني ولسانا تسكر
وصرت اتذكر يادلي
شو بدي اتذكر لتذكر
بتذكر اني ضميتا
وفتح ورد الحب وزهر
عملتها ليلى وحبيتا
شفته عزة وعشقتا
ما اتحرمش منها شو ما صار
سكنتا بقلبي ورميت المفتاح
وقلتلا خليني معك مرتاح
جرجس لفلوف سورية
الخميس، 15 فبراير 2018
مجلة سماء الأبداع للشعر والأدب الألكترونية كتب الشاعر حربي علي قصيدة بعنوان مش نزيه
زجلية
(مش نزيه)
معاه فلوس
بس . مش نزيه
زي التيوس
والغبا. منه فيه
يقعد يكنز
يكنز يكنز يكنز
وعند
الستييين سنة؟
وأما يفكر
يعيشها . زينا؟
تلقاها
راحت . عليه
وعجبي
حربي علي
شاعر السويس
الأحد، 11 فبراير 2018
مجلة سماء الأبداع للشعر والأدب الألكترونية كتب الشاعر حربي علي قصيدة بعنوان زجل
زجل
(حادي بادي)
حادي / بادي
أروح ولااجي؟
تحت أمرك
وأبوس الأيادي
أمير . الغرام
مد / يدك
في رد السلام
قصدي سترك
أمرك عجيب
الحيرة فيه
إنت الطبيب
محيرني ليه؟
وشاغل فؤادي
حادي / بادي
دا
أنا . الأصيل
سبت السيادة
وعشان جميل
أحتار زيادة
مشيت طريق
زرعته خير
حتى الرفيق
ظالم كبير
وبيقولي عادي
حادي / بادي
أروح . ولااجي؟
حربي علي
شاعرالسويس
الاشتراك في:
التعليقات (Atom)