(فاكر ياصاحبي أيام زمان)
2018 /15/3
كلمات:رمضان الخربوطلي
..................................
فاكر يا صاحبي أيام زمان
والا نسيت الماضي الجميل
ونسيت كل اللي كان
أيام ماكنا صغيرين
نجري ونلعب
حوالين السواقي والغيطان
والضحكه رايقه
والقلوب صافيه حاسين بالأمان
وأما نسمع صوت الأذان
كلنا نجري نتوضوا
ونصلي على راس الغيطان
وتيجي الأم شايله الغدا
وتحت شجرة توت وضلايه
تحلى لمتنا ويا الجيران
ناكلوا ونشربوا ونحمدوا ربنا
ونقيلوا تحت الشجر ساعة زمان
نصحى نلاقي الأهل بيكملوا شغلهم
واحنا كمان نطلع فوق الشجر
ناكلوا من ثمار التوت
ونجروا ع الرمان
وفي مغيب الشمس
نرجع للبيوت مبسوطين
والسعاده ماليه القلوب
ماليه المكان
كنا حاسين اننا كلنا
أسرة واحده يد واحده
أهل وحبايب مش جيران
دلوقت ليه النفوس اتغيرت
مبقتش زي زمان
الحقد مالي النفوس
ماهو زمن الفلوس
وعشان الفلوس
الناس تدوس
على أي شيء ان كان
ياخساره ياريت تعود يازمان
فاكر ياصاحبي أيام زمان
......................................
رمضان الخربوطلي
ليست هناك تعليقات:
إرسال تعليق