بسأل نفسي
شعر غنائي
رمضان الخربوطلي
........................
بسأل نفسي أيه يا حبيبي
شدني ليك
ظرفك لطفك رقة قلبك
والا ياروحي سحر عنيك
ياما ياعمري كتير صادفوني
لكن قلبي محبش غيرك
فجأه لقيته اتمسك بيك
أيه ياحبيبي شدني ليك
...................................
يوم ما قابلتك
شفت في عينك كل احلامي
حسيت إنك إنت حقيقة
في ليل أوهامي
صحيت فيا مشاعر نايمه
ولقيت روحي في حبك هايمه
وبقيت انت كل غرامي
حسيت إني مكنتش عايش
ومعاك إنت حعيش أيامي
وحبقى ياروحي ملك إيديك
أيه ياحبيبي شدني ليك
....................................
رمضان الخربوطلي
ليست هناك تعليقات:
إرسال تعليق