شيل الستار
شيل الستار عن حبنا وخليك شجاع
شيل الستار واعلنها وبلاش خداع
قول بحبك واخرجنى من سنين الضياع
اعترف بلاش محايله وتعب وصداع
والا انت ناوى تهجارنى ولحبى تبيع
دا كلمة بحبك من شفتيك شيئ بديع
لما بتقول بحبك قلبى يشوف الربيع
وكلمة بحبك حقى ليا عليك مشروع
مدام قلبى بيحبك وعليك كمان موجوع
ليه تبدل كلمة بحبك بكلمة وداع
قول بحبك حبنا يشوف للنور شعاع
والا انت خايف تقول يلومك الرعاع
ولا زمن الحب عندك قد ولا وضاع
قول يا شيخ مليت قلبى بالاواجاع
ام هانت عليك المحبه والحب مشاع
انا رسمتك على صدرى زى الرضيع
والا الوصال عندك صار شيئ ممنوع
تعالى واكتب لحبنا الحياه والرجوع
وصبرنى فى الحب وكون ليا دافع
علشان حبنا يكبر بينا ويكون نافع
وتكون انت الحبيب الغاالى الرائع
وماتكون ليا ماضى وتكون مضارع
اعترف بقا وخلى حبنا شيئ واقع
بقلم محمد الصيرفى
ليست هناك تعليقات:
إرسال تعليق