ظلموها
قالوا عليها قويه
وهي أضعف منها مفيش
شايفنها مغرورة
وسكوتها ده عشان ما بتشكيش
جمالها نعمه كبيرة
خافوا منها وقالو لازم نصونها
لمين ما فرقش
كتير في أحلامهم
أتمنوها وصاحب النعمه جاحد
ما يدريش
ياريته يفارق وعنها
يبعد ويسبها لأحلامها تعيش
سجِنها وفي قسوته
تبكي عليها الأيام ما تسامحيش
كل اللي قالوا عيشي
ده مسيره يتغير ما تخافيش
يوم ورا يوم تتنازل
والمركب بتغرق ما بتمشيش
حالها يصعب والكل
فاكرها سعيدة والبخت
مفيش
ليه يا دنيا عليها
دوستي قوى وما رحمتيش
لا يوم إختارت ولا
قالت حظي خاني وما
نصفنيش
يحسدوها علي الصبر
لحد ما الصبر صرخ وقال
ما يلزمنيش
ياربي أقدارنا مكتوبه
ورحمتك مطلوبه وعنها
ما نستغنيش
رضينا ولا ما رضينا
ده حال الدنيا وراحه القلب
حلم بعيد إنسي ما تدوريش
اللهم لك الحمد وبالغيب راضين
ما بنشتكيش
عروسه النيل/ العنود محمد
ليست هناك تعليقات:
إرسال تعليق