((إحساس غريب))
بقلمي / عصام مدين ..
..............................................
إحساس غريب وبأحس بيه وانتي مَعي
القلب طاير م الفرح بيدُق ليكي فاسمعي
عـــايز يجيلك طِـــير مِسافــر في الفضا
يُحــضن عيـنيكي لَـمــا تييــجي تودَعي
يِمــسِك ايديكي يضُمـها ويبوس قـَـــوي
يِمسح دمــوعـــك لـــو في ليلك تِدمَــعي
....................................................
إحساس غريب بيشدني وانتي في سفـر
وانا لسة بأهرب من دموعي وم الضجر
حـــاسس بإنك بتواســـيني ع اللي راح
وتدواي جـرحي برقـِــتك ما انتي القَمر
يا حبيبتي خايف تهربي وأفضل وحيــد
وانا عُمري كُله في حلم واحـــد بأنتظر
انك تيجيني وتبقي جـــنبي نعيش سوا
يا حبيبتي عني متبعديش عيشي مَعي
............................................
بقلمي / عصام مدين ..
ليست هناك تعليقات:
إرسال تعليق