كل سنه وانتى طيبه يا نور عينــــــــــــــــى
نفسى اخدك فى حضنى وابداً ما تفارقينـى
ياللى فى بعدى عنك ابداً ما بتنسينــــــــــى
فكرانى دايماً وبحنانك وعطفك بتراعينــــى
كل سنه وانتى معايه يا اجمل حبيبـــــــــــه
وتكونى دايماً عونى ومن قلبى قريبـــــــــــه
مهما يفوت العمر وتظهر عليه الشيبــــــــــــه
انتى اللى لقلبى وروحى اغلى واجمل طبيبه
كل سنه وانتى فى خير وصحه وسلامـــــــه
يا ارق واطيب وانبل واطيب انسانـــــــــــــه
بوجودك فى حياتى ماشى مرفوع القامــــــه
بحبك يا نور عيونى ولا اخشى الملامـــــــــه
كل سنه وانتى فى احلى واجمل حـــــــــــال
يا فرحة حياتى يا حبيبتى يا ام العيـــــــــال
يا اغلى من الذهب والماس وكل كنوز المـال
يحميكى رب الكون ويحافظ على العيـــــال
كل سنه وانتى حبيبتى ومنوره حيـاتــــــــى
يا مالكه كل مشاعرى ونبض قلبى وهمساتى
يا ماليه كل كيانى ومعايه فى كل اوقاتـــــى
بدعى لرب الكون يحميكى وتعيشى لمماتـى
اهداء الى اغلى انسانه فى حياتى
كلمات بقلم حكيم مرزوق
ليست هناك تعليقات:
إرسال تعليق