******* (( أنــا قــلــتــلك مـتحــبينيش )) *******
بقــلـمي /* عـصـام مـــــديــن ...
****************************************
وبقيتى زيـــى بتحزنى وبقـيتى زيـــى مـتضحـكــيش
أنا قلتلك منــــذ البداية حتتعبى أنا قـلتلك متحـبينيش
حبى حيرسم دمعتك حيشتتك ويسكـتك مسمعتنيش
قولتيلى سبنى أعشقــك أنا أد حـبك وفـــيه هــاعـيش
ويوميها حـذرتك كتير وقلتلك حــــبى خطـير فمتزعليش
إنتى اللــى جبتى لدنيتك حــيرة ودمــــوع فمتشتكيش
فاكرانى لما قلتلك حبى حزين ودموع عنين مفهمتنيش
قولتيلى عارفــة وباعشقـك و بادوب حــنين متصحنيش
كنتى فـى سكرة هوايا مبحرة وصحيتى أهـو معرفتنيش
حزنى القديم من يـــوم ميـلادى فى العـروق فمتقدريش
إنك فى لحــظة تقتليه وبضحكة مــنك تهزميه متصدقيش
لوشفتى ضحكة فــــوق شفايفى إنــه إنتهى متصدقيش
صعبان عليا ياحبيبتى تنـــــدمى أو تـــحزنى فمتحزنيش
ده منايا أسعد مهجتك أو ســــكتك وأفرحك لكن ماليش
غير قلب واحد فيه تاريخى للشجن فيه مشاعر راح تعيش
و هواكى فيه وسط الدمـــوع لوتقدرى تتصورى متحبينيش
أو تقدرى بإيديكى إنك تمسحى مــنه الدموع ومتدمعيش
ياحبيبتى زيى بتحزنى أرجوكى عايزك تضحكى متقلديش
أنا بأقدر أحزن وأنتفض وســـاعات بأغنى وساعات بأعــيش
أما إنتى لا قلبك صغير رقيق بــــرئ مليان أمل متخلينيش
أهرب بعيد علشان ماقلبك يلتقى طعم السعادة ومتخافيش
متزوديش حيرتى وهمومى بإنكسارك وسط نارك متسبيش
قلبك حزين قلمك هاتيه للضحكتين بعدك ماليش فمتهربيش
وبقيتى زيى بتحزنى ما أنا قلتك متطاوعينيش مــتحبينيش
*******************************************
بقــلـمي /* عـصـام مـــــديــن ...
ليست هناك تعليقات:
إرسال تعليق