زي شعاع الشمس بتشرق
زي بريق العقد الماسى
شمس عنيك مش ممكن تغرق
فى بحر الشوق مهما تااسى
زى ربيع العمر بتيجى
تفتح زهر القلب الاسى
زى زهور الفل الابيض
تنشر عطرك مع انفاسى
زي نسيم الفجر تعدى
بتنعش قلبى يزيد احساسى
او نسمة صيف طافت على خدى
فتشت سرى لاهلى وناسى
زى الذكرى ماترسم بسمة
لما افتكرك بين جلاسى
زي الطير فى جمال انغامو
زي العيد بين اهلى وناسى
مجدى زيادة .
ليست هناك تعليقات:
إرسال تعليق