( حَتسيبيني ؟؟؟؟ ))
بقلمي عصام مدين
ــــــــــــــــــــــــــــــــــــــــــــــــــــــــــــــــــ
حَتسيبيني .. قولي ليه يا حبيبتي عايـزة ليه تسيبيني ؟
راح تسيبني الروح وتِـرحل قبل ما إنتي مــا تسيبيني
انتي روحــي ونبض قلبي وكُـل عُـمـري وضَي عِـيني
يبـقي لِـيه عايــــزة تفـوتيني للضـــنا يُـسـكــن سِنيني ؟
حتسيبيني خلاص وماشية ما انتي قُـولتي حـتعشقيني
حتسيبيني لجَــــرح قـلبي بكُـــل قَـــسوة وتِـجــرحـيني
انتي فــــاكـرة العَـــهد بيـنَا لَـــمَا كُــنتي بتُحـــضُــنيني ؟
وبشــفايفـك بتبوسـيني أحـــلي بوســة فــوق جِـــبيني ؟
لما كُنتي بتداديني وبإيديــكي الدافـية تيجي وتواسيني
كـــان غـــرامك بيهــاديني حُضــن دافي لِــيه نِسِـــيني ؟
حتســـيبيني عـَــشان بَحِـــبك ولا قَــلبك ده مَـعاديـــني ؟
حتسبيبني لأني صـــادق وفي هَـــواكي لَـقـيت سِـنيني ؟
ولا هو الحُب عـَندك لحظة حلوة ولما تِخْلَص تِبعديني ؟
كُــنت فـَـاكرِك واحــدة تانية واحدة حالفة لا تشتريني ؟؟
وإن زمان البُعــد طَــوِل برضوا عايشة عَـشان تِيجيني
كان قرار البُعد واقف ع الطريق بس مِش شايف حنيني
بَس مِش حاسس أنيني أو خـداعك لما كُـــنتي بتوعديني
نِبقي واحد قلب واحد نبض واحد مُستحيل إنتي تخونيني
ياما شُفــتِك كُــل حـــاجة جــوة عيني دُنيا تـانية صدقيني
بس ليه مــوهوم بحُبُـك كُنت ليه بأستني مِــنك تخدعيني ؟
حتسيبيني ؟ بَعـد كُل الحُب مِني لسه برضوا ما تعرفيني ؟
ليه وداعك ليه خِـداعك ليه فؤادك بيخاصمني ويعاديني ؟
حتسيبيني ياضي عيني فَكري قبل أما تمشي وتسيبيني ؟
صدقيني حتخسريني والدموع راح تملا عِــينك صدقيني
قلب مُخلص فين تِلاقي زي قلبي اللي عاشقك ومجافيني
روح بتعــشق كُل حاجة تلبيهالك نبض مـتعافي وجنوني
عين بتسهر كُــل ليلة تشتهيكي وتناديكي عشان تيجيني
إيد بتعشق لمس إيدك إيــد تطبطب لما دمعك يوم يجيني
إيد بتمسح حُـزن قلبك إيد بترسمـلك جَناين مِــن حَــنيني
يبقي ليه البُعـد بينا شــئ ضــروري يا حبيبتي فَـــهميني
قولـــي إيــه أســباب فُـــراقنا قــبل ما أرحـــل وتـسيبيني
وبَعدها إن كُنتي عايزة تسيبي قلبي إرحلي عني وفوتيني
حتسيبيني يا ضي عيني فَكري قبل أما تمشي وتسيبيني ؟
ــــــــــــــــــــــــــــــــــــــــــــــــــــــــــــــــــــــــــــــــــ
بقلمي \ عصام مدين ...
ليست هناك تعليقات:
إرسال تعليق