الناس الحلوه بتفارق الدنيا ولسه زي مااحنا الكبر والغرور بيخدنا وماشين ف طريقنا.
اتخالينا عن ضمايرنا بهدف نعلى ونعيش الحياه ونكمل فيها مشوارنا
لكن مش بنعمل حساب للموت اللي بيفجإنا ونمشي عادي ف سكتنا.
كانوا بالنسبالنا شمعه تنور قلوبنا وتصحح من عيوبنا.
نجري وندور على حاجه تسعدنا وتهدي من أعصابنا ع حساب الناس اللي تحبنا وتعشقنا.
الظلم ملى قلوبنا والكره معشش بين أحضانا والنتيجه ف النهايه مش هاتفدنا.
كانوا بيرسموا البسمه وقلوبهم كانت صافيه ودايما حبهم لينا دايما بيشغلنا.
الف نور ورحمه ع أصحاب كانت دايما تفرحنا وتزيل الحزن من ع عيونا.
ولسه لحد النهارده عايشين الدنيا بمزاجنا والكره مالي قلوبنا حتى الصداقه مالهاش معنى ولا حتى زوجه تسعدنا وتزيل همومنا.
وكله بيلعب ع كله لكن وقت الموت نعرف حقيقة ظلمنا واجرامنا.
ونعرف حب الناس الحلوه آللي عشرتنا وكانوا دايما بيحسوا بجراحنا.
لكن فرقونا ونزلت دموعنا وعرفنا حقيقة ظلمنا واجرامنا .
يارب ارحمنا وخد بأئدنا ونور طريقنا وخالي الايمان يملى قلوبنا.
وارحم أصحابنا وخالي الحب والخير يجمعنا واحسن ختامنا.
دي قصيده مهمه هاتفدنا وتنفعنا ونعرف ان الموت ف يوم هايفجإنا عشان كده لازم نصلح عيوبنا.
ونعيد حساباتنا وندعي من قلوبنا لأصحابنا والناس آللي كانت دايما تنصحنا
وتخاف ع مصالحنا بالرحمه وربنا وحده قادر يعفو عنا ويهدينا ويريح قلوبنا
شاعرالعصر صاحب كلمه لها مضمون ومعنى يفدنا وينفعنا بقصيده جميله تنال إعجابنا وتحسن دايما من أخلاقنا.
الشاعر طاهر مختار
شاعر العصر.. تحيا مصر
طنطا.. كفرالزيات.. اكوه
16/3/2018
11/45
ليست هناك تعليقات:
إرسال تعليق