القطة الشقية
دلوعة بس مفترية
كلت السمكة البلطية
وحلت بقها
بحتة بتنجان مقلية
عيشتها عيشة أرستقراتية
فيلا وبتركب افخم عربية
ع الريق بتهبد مهلبية
وتزود ساعات بواحدة مشمشية
هو دا بقي فطارها الصبحية
أما التونة دي وجبتها
اليومية ساعة المغربية
ليكي خاطر كبير عندهم
و كمان مصروف ف الميزانية
يابختك ياقطة
وقعتي ف بيت ناس لقطة
بيفصصولك بإيديهم السمكة🐟
وأنا بيجيلي م القهرة زغطة
إرحمونا ياناس
ياصحاب الغني والسلطة
دامننا ناس من جوعهم بتنداس
وحتجبولنا م الفرسة النقطة
نفسهم بتروح لسمكاية مياس
وإللا عشان يعني فقرااا
يقضوها يغمسوا بدقة
يرضوا بشوية قلقاس
من غير حتي شوربة بطة
شبعوا من قلة الإحساس
و حنيتكم رايحة لقطة
دا المسكين محتاج لملاطفة
أو حتي لحنية وعطفة
ونظرة حلوة حتي لو صدفة
بدل الذل و الكسرة
لكن بجبروتكم وبقسوة
ما بينوبه منكم
غير نظرة بشخطة و نطرة
بقلمي عزة حزين
Azza Hozayen
ليست هناك تعليقات:
إرسال تعليق