يا سكر
يا سكر
يا للي ساكن في القلب
كفايه دلع
دانا في هواك دبت يا جدع
ياسكر
عاجبني سكوتك ووقوفك
علي باب حارتنا
تغمز بطرف عينك وتصفر
كروان حزين
ياسكر
إنا كان علي الشقاوة دا إحنا
معلمين
بس ليه الملامة من الرايحين
والجاين
ياسكر
دول بيقولوا عليك سيد العاقلين
إيه بدل حالك ومشاك في سكة
العاشقين
ياسكر
حليت أيامي... لونت فساتيني
بعد سواد دام سنين
ياسكر
كل ما عدى تيجي جنبي تهدي
وتسيب ضحكتين حلوين
في نص الطريق تايهين
ياسكر
حتي الهوا ياسيب الفل
والياسمين
وما يجيب غير ريحتك يشعلل
القلب بيها ويسيبوه غلبان
مسكين
ياسكر
كل البنات بيحكوا عنك
حكايات
نفسهم يعرفوا مين اللي
شاغلة القمر
وعشانها بيقول مواويل
ياسكر
إن كنت نصيبك ..سيبك
من الشقاوة وشغل
المراهقين
هو أنا يعني ناقصة
مجانين..
عروسه النيل/ العنود محمد
ليست هناك تعليقات:
إرسال تعليق