الظلم حرام
كلماتي
زغلول الطواب
أرجوك حبيبى أستنى
داحنا لسه يا دوب
هنبتدى الحكايه
ليه متستعجل كده
على كتابة النهايه
حكايتنا
حكاية حب وغرام
رسمها لينا القدر
وجمعتنا إنا وإنت الأقدار
صدفه من غير مواعيد
ليه عاوز تخليها ذكرى
ونار فى القلب تأييد
وكأنها كانت أوهام
وأحلام الليل والمنام
قلبى معاك مش لعبه
تتسلى بيها زى الأطفال
حكايتنا حكاية حب
لما دق ليها القلب
زرعت جواه نبته
نبتة شوق ونبتة غرام
بدأت بنظره ثم بسمه
من غير كلام
أول كلمه قولناها
كانت أسمى وأسمك
على جزع الشجره
كتبناها
ورسمنا قلب وسهم كمان
فاكر أول مره أتقابلنا
فاكر أول سلام
فاكر الصمت إللى كان بنا
لما العيون بدأت بالكلام
فاكر لما الأنامل عزفت
على الأوتار
أوتار قلبى وقلبك
وكأنها أنغام
فاكر عنينا لما كانت
بتقول أحلى كلام
فاكر ولا أنا بحلم
ولا يمكن تكون أوهام
ولا أكمنى أنا بحبك
وبعشق صورتك
و بجرى وراك بالمشوار
تجرحنى كده فى القلب
وتسهرني الليل
وتخليني معرفش أنام
حرام عليك أنا ما صدقت
قربت منك وقولت
خلاص من العذاب أرتحت
ترجع تانى تلوعنى
زى المرجيحه تمرجحنى
بنار البعد وأسوة الخصام
رسينى على برك
أوعدنى ما تعذبنى
بدلالك وبتُقلك
أوعى فى يوم ترمينى
فى بحر النسيان
وترجعنى لليالى السهد
أنكوى بنار البعد
والله يبقي حرام
حبيبى أستنى شويه
عايز أسألك سؤال
ليه حكايتنا زى المُرجيحه
يوم فوق ويوم تحت
ليه أتخاصمنا
وليه دلوقتى بنتعاتب
تعرف ليه
علشان الحب إللى بنا
محتاج حبل الوصال
عشنا أيامنا
فى شد وجذب
تعبنا من ليالى السهر
ودوقنا أنا وأنت
عذاب عطش البعد
ليه كل ما نبني
ترجع أنت تهد
وكل مره تهدد بالخصام
وكأنك طفل بتلعب
بلعبه والسلام
سقتنى العذاب وكأنه
نار بتأييد فى القلب
والوجدان
بتلوعنى ليه بدلالك
أنا مش قدك
ولا حمل أفعالك
أنا يدوب بفُك الخط
وكأنى لسه بتعلم
حروف الكلام
عيشتنى حالة صمت
ومنعت عنى النطُق
نستنى معني الكلام
حيرتنى معاك
رغم إني بعشق هواك
حتى الشوق
إللى كان فى قلبى
داب من كتر آساك
والله كده ظلم
والله الظلم حرام
كلماتي
زغلول الطواب
ليست هناك تعليقات:
إرسال تعليق