ذكريات القرية
=======
حنيت لزمن الطفولة
ويلا يا بنته
ولعبة السيجة
ولعبةالستة
انا كنت بخرج
فى نص الليل
فى الضلمة
وبلبس المركوب
وأغلق باب الجارة
واكسره بالطوب
اناكنت باغسل هدومي
وباستناها لما تنشف
حنيت لصحن البصارة
وبتاوتين فى المنسف
واربط فى وسطى الحبل
واطلع النخلة
ولما برمى البلح
تتحنجل السخلة
حنيت
للسنبلة
والرف
والطاقة
وربطة البرسيم
وصوت الفرسة والناقة
والسلبة والبكرة
والترعة والرياح
ولعبة النحلة
واللمبة والمصباح
اصل الصعيدى صعيدى
مهما يتمدن
حنيت
للمغطس
والميضة
واليدن
لعمى الشيخ
لما ينتظر رمضان
ويخلص التراويح
وباية فى الركعة
من سورة الانسان
حنيت لسيدنا
واللوحة والكتاب
وكمان فطير الخميس
والقرص والدبداب
حنيت لمدرستى
وانا بطلع الاول
وقالو لى كنت التانى
عمنول
وجارتى الكريمة
وكلبها العوعاو
وشعر البنات فى السوق
وزبل الحمام يا حلاو
==============
شعر/فاروق الحضري
ليست هناك تعليقات:
إرسال تعليق