ألبوم صور
حنيت ولا اشتقت
مش فاكره بالظبط
بس البنوته
الكتكوته أم ضافير
مربوطه
من سواد الليل
جدلت يدوب
توبين
واحشني شقاوتها
مع الصغير والكبير
هزار و مقالب ما
رحمتش حد
فراشه طايره لا
هامها قيود ولا فارق
معها عيب أنتِ
بنت
الدنيا عندها ألوان
والناس كلهم
حلوين
بريئه ...عبيطه
مش مهم
اليوم بسهوله بيمر
كله لعب وضحك
وحكايات البنات
أسرار ... أحلام
دي فاكره القمر
عليها بيبص
والنجوم في السما
ملايكه بتسبح
شكر وحمد
وطابور الولاد
المعجبين
بالفراشه حيرانين
ده هيمان والتاني
زعلان سيبك
ياعم بلا لعب عيال
وراي مذاكره وأحلام
بفصلها علي مقاسي
يدوب بالظبط
أصل أناعمرى
ورايا ما أبص
ولا أحب أضيع وقت
عروسه النيل/ العنود محمد
ليست هناك تعليقات:
إرسال تعليق