أمجاد يا عرب
أنت قصدك زمان
أكيد مش دلوقت
أ روح أدور في
سوريا على الأمجاد
يقولوا من هنا
مافاتتش
طيب بينا علي
العراق ندور من
سُكات يقسموا
بالله أنها عليهم
ما وردتش
يا دي الخيبه
هي مستخبيه
مثلا في لبنان
الناس دورت بذمه
وغير الفتنه ما
لقتش
طيب نروح للغاليه
أم الشهيد فلسطين
أكيد
بايته عندها تطبطب
وتواسي ستات
الحي
قالولي اتلهي وإسئلي
الأمريكاني وإبن عمه
الصهيوني
خلاص ياجدعان عرفت
السر
هي في اليمن بتحارب
وتلم الشمل
بصولي من فوق لتحت
ولوحدي عرفت الرد
سبوني بقي أروح
للغاليه مصر
أكيد عارفه خط
سيرها أو في
الجامعه بتخطط
بجد
لقيت الحال مش
تمام وقال أيه
قوي الشر بتخطط
مع الشيطان
تقسيم جديد وأعلام
جديده
طيب أحنا في
القسمه داخلين
ولا ها يجيبوا بدالنا
ناس تانين
وتبقي كملت وسلملي
علي الأمجاد
ياعربي ياغلبان
هو أنت يا بني
هاتقطع نفسك
مش كفايه ليل ونهار
بتتخانق مع أخواتك
علي شبر أرض
وناسي الليله الكبيره
عزة العرب بتتسرق
وتتهد بجد......
عروسه النيل/ العنود محمد
ليست هناك تعليقات:
إرسال تعليق