اللى كان بينك وبينى
................
إللى كان بينك وبينى
كلمة قولتها معايا
عهد واصونو بعينى
دا هو أملى ومنايا
منايا إنى أشوف حبك
وأرحم عنيا من دمعى
واسكن ياروح قلبى في قلبك
ولا ابكى بعدك ولا انعى
تهجر وتفوتنى سنين
وانت اللى قلبى بيهواك
وأنت اللى صورتك في العين
وروحى هايمة فى هواك
ارجع وحافظ على عهدى
ليه بتتجنى عليا
انا فى هواك بصون ودى
واشيل غرامك فى عنيا
من بعدك ياروح القلب
من بعدك أنا مالى حبيب
وفى بعدك مالو طعم الحب
ولا غيرك يكون لى حبيب
انت الأمل وأنت الاحساس
وانت اللى اعيش العمر معاه
واشرب غرامك كاس ورا كاس
ولو قلبى اتجرح انت دواه
ياللى حياتى معاك
هى المنى والامل وهى نور عينى
دا انا أملى هو رضاك
وفى قلبى لحن الغزل اسمعو بينك وبينى
تحياتى
مجدى زيادة.
ليست هناك تعليقات:
إرسال تعليق