أنت عارف
☆☆☆☆☆☆
إنت عارف كل حاجة
حتى نبضي من سنين
وأنت شايف طيرنا شادي
تشفيه رشفة حنين
من غير حبك ولا حاجة
بعيد عن قلبك أنا والعين
مكلوم حنيني و الغرام
مسجون سنين زي الجنين
أصب على الأسى أحلام
بحظ عاثر بات لعين
بيرتوي بشر الكلام
بيترمي في حضني سجين
وأنادي فيه آهاتي وأهاتي
وحبه مرسوم على الجبين
مكتوب بألم أوجاع وندم
خلص كلامي وليلي حزين
وأنت شايف طيرنا شادي
تشفيه رشفة حنين
لو أنت سامع قول لي سامع
وللا ..م ..الموانع راح تمانع
وللا كلامي بيفتح مواجع
وأنت لساك م الغربة راجع
من خريفك يشتاق ربيع
وورده ذبلت م الصقيع
أو غنوة ماتت بين الجميع
أو لحن تاه في خيط رفيع
أو سفينة مكسورة الشراع
مكتوب تعوم من غير قلاع
فسلام يا بحر الهوى وداع
تعبت الألم تعبت م الأوجاع
وأنت شايف طيرنا شادي
تشفيه رشفة حنين
لو مكتوب عليا أسامح
لو ملهوف عليا صارح
والأنين جوايا فاضح
من مياهه يسقيني مالح
ودمعة مرة من قلب جارح
فكرة شاردة وسكينه ذابح
قال إيه هو اللي جي ناصح
يهدي لي حيرة صعبة براح
خليني أبعد أهو حب وراح
حبعد والخيال فيك سارح
راح يدوس من غير مكابح
لأنام وأصحو على الملامح
أمشي والليل طويل بلا ملاح
وأنت شايف طيرنا شادي
تشفيه رشفة حنين
شعر / ياسر عوض السيد
مصر المنصورة شربين
ليست هناك تعليقات:
إرسال تعليق