الحزن فى القلب دفين
الهم سكن القلب من شهور سنين
لما انقلب الحال على ايد الخائنين
اللصوص خدوابرائه وحكم الامين
والعدل ضاع وشرع الله منا فين
نصبوا المجازر للشباب الوان
منصه وحرس ورابعه مش ناسين
دا القصاص قادم ولو بعد حين
وذاد الظلم وبقت الحاله طين
والشباب خلف القضبان مسجون
ويا عينى على شيخ عدى الثمانين
مرضه ومش قادر يقف على رجليه
والا الحكاوى عن بيوت ليها مساجين
اه يا زمن مات فيك الرجل الامين
وحبست البنات بتهمت حيازت بلالين
بالله تقولو لى ذالك لحساب مين
والى اي مله ينتسبوا والى اي دين
والقلب اتحسرعلى ازى الناس عايشين
ما بين مقتولين ومحبوسين ومطاردين
والمطبلتيه من صعوبة العيشه يشتكون
لو تشوفهم فى طوابير العيش وقفين
تسمع حكاوى تمطر لها دموع العين
والناس على خيبتهم صامتين ساكتين
عرفوا الحقيقه المره وبقوا متاكدين
مين اسال دم الابريا وفيه متورطين
ما فرقوا بين ابناء البلد فى سن ولا دين
ويرفعو راية الخسه ويضربوا المواطنين
والله القلب عليك يا وطن مقهور وحزين
دا القتل داير فى كل بلاد العرب المسلمين
شفتم القتل فى الغوطه والا انتم فقط مشاهدين
لا تحرك مجلس الامن ولا انكر ولا يحزانون
وحقوق الانسان مات ضميرهم وغير موجدين
فمن مات ليس ينتمى اليهم ولا للناس البنادمين
لك الله يا وطنى الاسير وقلبى عليك حزين
بقلم محمد الصيرفى
ليست هناك تعليقات:
إرسال تعليق