عالهاتف ....سجال شعرعامي
سهرت شربت راسي طن
اصبع طار واصبع جن
هزالهاتف صار يرن
الصوت الناعم رد وحن
اهلا فيك انت مين
وجعا قلبا تجرح حبا
غصت قالت قلي اول انت مين
انا البيحب الحلوين بس تقولي انت مين
قلتلا بخاف تقولي جنون
ردت لاتخاف الحلوين
قلتلا شيخ العشاق
وحظي اسوأ من تشرين
يوم مصيف يوم مشتا
وما بعرف رايح لوين
قالت شفتك بخيالي
وعرفتك هلق انت مين
قلتلا شو رأيك نتعشى
قالت روح ولا تقرب مني
انا ما حبيت السكرانين
جرجس لفلوف سورية
ليست هناك تعليقات:
إرسال تعليق