#إنتى_وضميرك
....
#اللون_الأسمر_على_عودك
#يبكى_ألف_عين
#والدمع_على_خدودك
#يروى_عطش_السنين
...
انتى ماشيه في خضره في وسط الغيط
ولا قاعده مستنيه حاجه تفرح القلب
انتى بتغرقى في قلب البحر الغويط
ولا بتحلمى بحاجه اسمها حب
...
انتى صغيرة ولا كبيرة
انتى ضلمه ولا نور
شعرك غجرى ولا عملاه ضفيره
طريقك مفروش بالورد ولا طريقك مهجور
...
انتى لوحه مفيهاش ألوان
تعبتينى معاكى
ليكى ألف مليون عنوان
وأدينى ماشي وراكى
...
تعبان وانتى الدوا
بحلم تداوينى
معاكى علاج الهوى
وبردوا بتسيبينى
...
أغضب وأبعد وأسيبك
تطبطبى على كتفى
أقولك مانا لو حبيبك
متزوديش همى
...
تصالحينى
أعيش مبسوط
تهجرينى
ألاقينى بموت
...
بتلاعبينى
لما نفسى إنقطع
سيبينى
قلبى مليان وجع
...
#بتحبينى
#سمعينى_بتقولى_أيه
#بتكرهينى
#انتى_بتعملى_معايا_كدا_ليه
...
انتى زعلانه مني ولا زعلانه عليا
انتى معايا ولا غيرى في تفكيرك
هتحطى إيدك في إيديا
هسيبك براحتك وانتى وضميرك
....
....
#إنتى_وضميرك
هلوسات الزعيم
حسن محمد علي
ليست هناك تعليقات:
إرسال تعليق