بكائيات سامى على عبد المنعم
اهداء الى روح اخى وصديقى الفنان مسلم محمدين
مسلم يا صاحبى يا ذكرى زمان
شوارع بلدنا ونفس المكان
يا مضحك وقلبك مليان بالهوان
تكشر وتغضب وجواك حنان
يقولوا تناقض .. اقول فنان
يعشق الشعر .. وف القاءة كان ماهر
حافظ الشعر ومعانية .. مع انه مش شاعر
ما كلنا بنحب السحر .. مين فينا كان ساحر
مين فينا فاكر مسلم مات من كام سنه
او حتى مسلم مات وهو عنده كام سنه
عشر سنين يا صاحبى .. و لوحدى انا
فاكر كافتيرا الريحانى .. اللى ف مساكن شل
شطرنج وضمنة وطاولة لنص الليل .. حاجة تعل
فاكر ف مره كنا مفلسين
وعزمت على ناس قرايبك راحوا قاعدين
قهوة شاى شيشة لمون.. وشوشتك اللى هيدفع مين
اسكت دول ناس تقال ومليانين
خلصوا المشاريب قامو ومشيو وانا وانت ساكتين
مش بالاذمة حاجة تشل
كنا بنختلف .. بس مؤدبين
كنا بنخاصم .. بس طيبين
كان كل واحد غير التانى .. كنا متميزين
كان فينا قسوة ساعات .. لكن مكناش خاينين
كنا عارفين مصلحتنا .. مكناش عيال خايبين
انت الوحيد اللى لما كنت بتنده عليا
يقولولى .. كلم ابن الناس الكويسين
مع انك كنت افسد واحد ف الشلة
لكن اجدع ما فى الشلة .. شلة المجانين
الله يرحمك يا صاحبى يا اعقل العاقلين
اخويا وصديقى وعشرت سنين
ابن الجرعان الطيب .. مسلم محمدين
اخوك سامى على عبد المنعم ..الحزين
اشكرك مجهودكم الكريم .. لكم منى كل التقدير والاحترام
ردحذف