مجلس الشعب والنواب
******************
اهي كلمة وبتتقال
مجلس شعب ونواب
ان شاء الله يا خال
هايكون مجلس شعب ونواب
كلمة لاعليها جمرك ولاسؤال
ولاحتي ايه ولا ليه ولاحتي جواب
كلمه في جلسه تغير الاحوال
من مجلس الشعب والنواب
********************
يا هو نظره للعبد الغلبان
المطحون عم هباب
شوية زياده في الجينهات
بدل مايمد ايده ويقول هات
يالله يامجلس شوف مصلحنا
واصدر قرارات
و من الفقر عدينا
ده احنا بنحلم بالقرارات
من مجلس الشعب والنواب
*********************
العيشه هتبقي هنيه
واللقمه هتبقي طريه
بس فوقوا انتم يانواب
سكووووووت هانبدا الجلسه
طلبات الساده النواب
مالناش طلبات ياعنيه
الدنيا حلوه ورايقه
وكل حاجه عال العال
تحيه لمجلس الشعب والنواب
******************
النائب ابن دايرة كفر بلوظه
عندك مشاكل ملحوظه
فين ياريس كل حاجه مدروسه
ومقفول عليها الادراج والابواب
وحياة خالتي بهانه
دول شوية تراب
وهاشيلهم ع الاكتاف ويا الزباله
تحيه لمجلس الشعب والنواب
******************
تقرير بالاحداث كالاتي
النائب اللي ضرب زميله
والنائب الفلاتي
والنائبه اللي نايمه
وسايبه الريس بيهاتي
والنائب اللي رفع الجزمه
عيب ياساده يانواب
ده مجلس شعب ونواب
*****************
فين اللي تحت القبه
اصحوا ياساده يانواب
مدد ياسيدي يابو قبه
ده احنا بقينا في عالم الغاب
بكره نستني المحليات
يمكن تيجي الفرصه
ويمكن يجيي العيش والحلويات
ونجيب زعيط ومعيط وابو فله
وتحيه لمجلس الشعب والنواب
********************
لو حد في يوم قالي
خلاص بقي ياعم هباب
كل حاجه بقيت حلوه
وماضى ولي ومات.
بكره هاناكل فجل وكرات
والمشويات والمقليات
واللي بيتريق اقوله اخرس
ده مجلس شعب ونواب
*********************
كلمات
..بسيونى صديق
ليست هناك تعليقات:
إرسال تعليق