فين العرب
والنخوه والشهامه
فى اوطان بتنضرب
وبتقوم فيها القيامه
واحنا بنتفرج
واحنا بنتفرق
واحنا بنتقسم
وحكامنا لسه بترسم
وبتسرح بينا
وبيشتغلونا
واحنا ولا حوله ولا قوه
من بره ومن جوه
حتى كرهتنا الهدوم
وكأن مثلا بن العرب مولود مهزوم
ومتحرم عليه يدوق حلاوه النصر يوم
ومين اللى رسم العرب
فنجان قهوه ساده
وليه التاريخ فى الكتب
عكس الواقع يا ساده
و ليه فى التاريخ احنا دهب
وحاجه فخمه
وعظمه على عظمه
يا جماعه
وهل احنا خير امه
والا الكلام ده اشاعه
واحنا خيال ماته
ليست هناك تعليقات:
إرسال تعليق