بلادى بلادى
يا جبنه وزتون
يا فول حراتى
يا شطه ولمون
يا زبده سايحه
فى بق الزبون
وحنضل وعلقم
باسم القانون
فى بقى وبقك
من عهد امون
يا شعبى اللى شقق
من كتر الجفاف
يا ثوره بتبدا
وتنهى بعفاف
امتى حتنطق
وتبطل تخاف
اوروبا وامريكا
ليه ناس نضاف
وليه احنا سيكا
وشعوب خراف
وحبه غوازى
ومجرد غنايم
وبرسيم حجازى
لحكام بهايم
بلادى بلادى
مجرد وليمه
لحبه كروش
لحكام لئيمه
مبيفهموش
مبيرحموش
وحاشيه برتيته
باعولنا الفنكوش
عشان بس شافونا
خيال ماته
وحبه هاموش
ليست هناك تعليقات:
إرسال تعليق