مجلة سماء الإبداع للشعر والأدب الإلكترونية كتب الشاعر علاء احمد عبدالنبي قصيدة بعنوان من حقي احاسبك

.....#من_حقي_أحاسبك#......
     ****************
كلمات/علاء أحمد عبدالنبي
********************
#وعشان من حقي أحاسبك...
#أنا جاي دلوقتي أعاتبك...
#وأقولك إني بندم....
#على ثانية قضيتها جامبك...
*بتداري لية فى وشك....
بتخبي لية عيونك....
*د أنا عمري ما قلبي غشك...
ولا فكر يوم يخونك....
***بس إنتي غشتيني***
***وفى وهمك مشتيني***
***عشمتيني بحبك***
#وعشان من حقي أحاسبك#
#أنا جاي دلوقتي أعاتبك#
*هسأل قلبك سؤال...
وردي إنتي وضميرك...
*أنا عمري قلبي مال...
فى الدنيا لوحدة غيرك...
***ردي إنتي وفهميني***
***لية كنتي بتوهميني***
***وكتير قولتيلي إني ***
***عايش جوا فى قلبك***
#وعشان من حقي أحاسبك#
#أنا جاي دلوقتي أعاتبك#
*أنا بندم ع إللى ضاع....
من عمري وإنتي جامبي...
*أنا بندم ع الخداع....
إللى إدتيه لقلبي...
   ***وبندم ع الحنين***
***ع العشرة وع السنين**
***إللى قضيتها فى حبك***
#وعشان من حقي أحاسبك#
#أنا جاي دلوقتي أعاتبك#
#وأقولك إني بندم...
#على ثانية قضيتها جامبك #