وصدمتنى ......شعر محسن النجار
وصدمتنى وانا بين ايديك
وانا عمرى كله فى نور عينيك
انا حبى لك كان شيء اكيد
وف كل كلمه انا قلتها قلبى شهيد
كل حروف الحب ليك انا قلتها
والليالي الحلوه بكل عشق انا عشتها
كان كل همى انى أسعدك
واشوف هناك
وصدمتنى لما لقيت انك هنا
وقلبك هناك
وانت الليالى خدعتنى
داير لكل الناس هواك
وبكل قسوة كسرتنى
هانت حروفى غزلتها .فاكر معاك؟
اه.ياما شفت منك طول سنين
وحات اللى عندك يازمن
......
وصدمتنى
كنت فى عنيا الامانى
اعزفلك الحب فى اغانى
وانت حقيقى شيء انانى
قهرتنى وظلمت تانى
وصدمتنى لما لقيت منك جحود
وكأنى مش عايش وجود
وكسرتنى لما لقيتك خنتنى
بكتر الوشوش اللى انت بيها فاجئتنى
اه ياما شفت منك طول سنيين
وحات اللى عندك يازمن
.....
اه وظلمتنى
ياما قلبى شاف منك وخاف
وابات وروحى مكدره
وف كل يوم منك جراح
والعمر راح والدمعه حاجه مكرره
اه .ياما شفت منك طول سنيين
وحات اللى عندك يازمن
......
وصدمتنى وحرام عليك
العمر فات
وقلبى مات
والصدمة قتلت فرحتى
يابختى فيك
انا قلبى تاه
وبقيت حكايه .ع الشفاه
وروحى حاضنه دمعتى
وخلاص خلاص صدمتنى
قد الوشوش اللى انت بيها فاجئتنى
اه..ياما شفت منك طول سنيين
وحات اللى عندك يازمن .....
........
ليست هناك تعليقات:
إرسال تعليق