ورده للغالين
يا بائع الورد اديني وردتين
ورده لحبيب غائب من سنين
موجود بالقلب وبيجرى بالشراين
ومهما طال الفراق فاللفرح حين
كنا للحريه سوى دايما عاشقين
نرفع راية الخير وننشره للمحبين
ونعطف على المريض والمسكين
وجت ايادى الغدر جعلتنا فريقين
كل فريق فى الهم تايه ومطحون
اللى بيبحث ازاى يجيب رغيفين
والثانى هارب وبيزوغ من الدائنين
وورده لست الحبايب ام قلب حزين
على ابنها الشهيدالقلب والعين باكين
و اللى ابنها ورائ القضبان مسجون
يوم الزياره بيكون بالغلب مشحون
لما يتحكم فيها مخبر غبى ملعون
والاخت اللى ابناها وجوزها مطاردين
وصابره ومحتسبه لاجل اعلاء الدين
وانقطع الاتصال بينهم حتى التلفون
والاهل والاقارب عنهم بالحياه مشغولين
وضاق الحال وانضموا لقائمة المديونين
وما اشتكوا يوم ودائما من الصابرين
بقلم محمد الصيرفى
ليست هناك تعليقات:
إرسال تعليق