جارت إلايام عليناوهنت مناالعزيمه
كناعزم وهمه وبقينابسحنه سقيمه
ليه يازمن الكرام بقيت لإبن اللئيمه
آه يازمن ضاعت فيك القيم والقيمه
كان للراجل بيت وعيله بلمه حميمه
الشاب بكبيره ويبوس إيده الكريمه
بيحمي جارته وحارته بنوايا سليمه
دي تهادي جارتها طبق جبنه قديمه
ودي ترد عليهابصينيه عليها وليمه
لماكانت الزفه تلف حارتنا القديمه
وحاوي عاملي فيهاشجيع السيما
الزبده وجبنة قريش خالتي حليمه
عسليه وحرانكش عجميه ببسيمه
داترمس وحمص من حبيب لحبيبه
فسحه بأكلة بطاطاعالنيل بنسيمه
لوضاق الحال تشد البطن تحزيمه
ياريت إلأيام تعود بالخير ونعيمه
*********
ايام ماكنا بنجيب طبق فول بقرش
وبجنيه خضار ولحمه بنملا الكرش
نخطب البنت والعريس ماينقهرش
بألف جنيه بنزفها والبيت بينفرش
ياما رضينا قليله وبخيرمايتنكرش
الجاربالجارباب مفتوح مابينقفلش
الغريب ف دارنا إزاي ماينكرمش
غايبنا بينا حاضرعياله ماتنحرمش
بتحرسهم عين مايغمض لهارمش
حارسنا بأمان غفير هاا ماينامش
وادينا قاهرنا غم وهم ما يتلمش
لوتعود أيام راحة البال ماتغيبش
م الفجرنسعى زادنا بصله ومش
نشقى وبراحة بال ليه ماننامش
#جمال_نصر
ليست هناك تعليقات:
إرسال تعليق