(بقى مفهمتش)
شعر غنائي
رمضان الخربوطلي
............................
بقى مفهمتش..بقى معرفتش
بعد دكله ولاأتأكدتش
اني باحبك قوي ياحبيبي
اني باحبك وبادوب فيك
شوف ياحبيبي نظرة عيني
ازاي رايحه وجايه عليك
كلها حب وشوق وهيام
رايحه بكل حنان لعنيك
والا ازاي شوف رعشة ايدي
لما بتلمس بس ايديك
قرب كده واسمع تنهيدي
ولهفة قلبي وشوقه اليك
كل دكله ولا اتأكدتش
اني باحبك قوي ياحبيبي
اني باحبك وبادوب فيك
انا من اول مره أشوفك
حبيتك ياحبيبي علطول
حسيت ان انته حياتي ومعاك
العمر يطول
وهواك بان كده في ملامحي
أبلغ من اني أقول
ولقيت شوقك بياخدني
د هواك شئ موش معقول
حبيتك أيوا أنا حبيتك
حبيتك حتى مافكرتش
كل دكله ولاأتأكدتش
اني باحبك قوي ياحبيبي
اني باحبك وبادوب فيك
................................
رمضان الخربوطلي
ليست هناك تعليقات:
إرسال تعليق