أرفعو أعلامكو عادى
بقلم محمد البنهاوى
___________________
صعب أعيش الجرح وحدي
صعب قدسى تبقى نار
صعب أهلى تروح ضحايا
صعب اأدوق الانكسار
صعب كلمة بحلقي ساكتة
لو تثور هيصير دمار
ليه بقينا ألف نكتة
واللي حاكمنا الدولار
لازم أنطق من وريدي
لازم أصرخ باللسان
ياعروبة قولي كلمة
شعبي حر ومش جبان
شعبي في عز الشدايد
شعب واعى للئام
شعبي في كل الكنايس
صوته طالع في الأذان
مش هقول يرحم زمانها
عالعروب والأمان
ياللي في القدس تدنس
من نجاستك بالكلام
سهم خاين عضمة سوس
سهم قاتل ليه ينام
مهما كان المكر أكبر
راح نقول الله أكبر
تنقطع أيدي في لحظة
يوم ما تتمد بسلام
ياللي فيك الخِسة باينة
واللي حاصل عادي عندك
ليه بلادنا عليكوا هاينة
ولا داء الحقد راكبك
ولا هم بيشتروك
ولا أبوهم كان أبوك
هما اللي يحزموك
وانت يبقى الرقص منك
أرفعوا أعلامكم عادي
برضه هيا القدس لينا
بكره هنكيد الأعادي
لما نقتلكوا بإيدينا
أحنا لسه برضه وحدة
حتى لو مش ملة وحدة
بس للأقصى هنفدي
دم انا وحسين ومينا
ياللي لينا بتحكمونا
إنتوا على إسلامنا عار
إنتوا دايماً بتبعونا
خلتوها خراب ونار
اتقوا شر الحليم
لما يغضب من جنابكم
راح يحولها لدمار
ياحبيبي الأقصى جايلك
روحى كلي كمان فداك
وعمري ما انسى بيوم جمايلك
راح أشيل عنك أساك
مهما كان المكر فيهم
ربنا هيكون معاك
ربنا هيكون معاك.
#البنهاوى
ليست هناك تعليقات:
إرسال تعليق