بياخدني الحنين وباروحلك
فبلاقي الدموع سبقاني
وبشوق ف الضلوع وحابوحلك
تبعدني السنين من تاني......
فاقولك يا رتني ماشوفتك
ولا روحي اليك وخداني
وبدقه في قلبي عشقتك
ولا كان الزمان دا زماني....
ماانا كنت الحياه دي بعيشها
والضحكه ف خطايا فارشها
دلوقتي ابتسامتي غاششها
ولا قادر اقول اه ياني .....
تبعدني وقلبي يقرب
من حبك ماشفتش مهرب
اتعذب وارجع اجرب
وبحورك تقول انساني ....
لا بايدي ولا بارادتي
ولا حبك يسبب حيرتي
ولا دمعي يكون يوم سيرتي
انا بس الدموع وجعاني ......
ياسر مهدي عمرو
ليست هناك تعليقات:
إرسال تعليق