مجلة سماء الأبداع للشعر والأدب الألكترونية كتب الشاعر عبدالله سكرية قصيدة بعنوان صورة

bronsage
صورة.
لولا شُفتوها بالدّارْ ، وشَعراتا تحت الفيِّي ،
وتاركي جسْما بضوِّ الشّمس ، يا عيني ملّا بنيِّي !

هيّي وشَعرا وفييّتها ، وهيّي وجسْما وشمسِتها ،
عند الضُّهر بهوني صيفْ ، لو أُسكتْ ما راح فيِّي !

فستانا قدّيشو زغيرْ ، وانْ هبّتْ نسمي بي طيرْ ،
لا تْحطّوا الحقّْ عليِّي ،لما سْحبتو هيك الشالْ ،
النَّايم حدّا بالفيِّي ،
وغطّيتُن لإجريْها ، وبعد شويِّي إيديْها ،
ومتل الشعرة من العجين ، رُحت اسحبتُن إيدييِّ !

بسّْ الحالي ما هي حالْ ، بِللي عم يخطر عالبالْ،
ولولا خوفي من ألله ،
وخوفي من قيل ومن قالْ ،
سْهيت وما شفتو هالشّالْ ،
وخلّوني بعد شوييِّ...
عبد الله8 سكرية