عشان نرتاح ف حياتنا لازم نرضى ضمايرنا ونشوف الصح والشئ اللى ينفعنا.
نعدل من عيوبنا وأخطانا ونبعد الشيطان عن طريقنا.
ونفكر ف الشئ اللى يسعدنا ويملى علينا فراغنا.
نعامل بعض بالحسنى ونخلى الحب والخير شئ أساسي بالنسبالنا.
هاتحلو الدنيا ف نظرنا وربنا يبارك ف أرزاقنا ويفرحنا بولادنا.
نختار اللى يناسبنا ويكون من مقامنا هاتنتهى المشاكل ومافيش حاجه تقف ف طريقنا.
بس نوحد اللى خلقنا ونقدر النعمه ونتحمل المسؤليه ونكون قد كلامنا.
مش نجرى ونغوص ف بحور الشيطان وندفع تمن إجرامنا.
والاخر نقول دا نصبنا وشئ غصب عنا وف الأساس غلطتنا.
عشان عشنا الدنيا بمزاجنا وإتخلينا عن مبادئنا وانتهت بدموعنا.
واصبح جرح داخل قلوبنا وفشل مع مرور الأيام بيطاردنا.
المفروض نهدى ونحكم عقولنا وضمايرنا ونصحح أخطأنا.
مشوار الطاعه أصبح شئ بيتعبنا وضدد رغبتنا وهو دا سر إنهيارنا.
مع الرغم لو التزامنا وطهرنا نفوسنا ومشينا زى ما ربنا امرنا هاترتاح أعصابنا والسعاده تكون من نصبنا
أصبحنا ف عذاب ووحده ومحدش بيقدرنا ولا بيسأل ف يوم عنا.
إتفرقنا واختلفت سكاكنا واصبح هو دا حالنا النهارده بسبب حبنا لدنيا والمال اللى شاغل عقولنا.
لازم نراجع حساباتنا ونعدل من عيوبنا وأخطأنا ونرضي اللى خلقنا.
دى قصيده مهمه هاتفدنا وتحسن دايما من أخلاقنا وتحسسنا بوجودنا.
شاعرالعصر صاحب كلمه لها مضمون ومعنى يفدنا وينفعنا بكلام جميل يكون سبب ف هدايتنا.....
الشاعر /طاهرمختار
شاعرالعصر/تحيا مصر
طنطا/كفرالزيات/اكوه الحصه
الجمعه٥/١/٢٠١٨
الساعه/٥/٥٥ص
الحمدلله ع نعمة الإبداع
انتظروا الجديد
ليست هناك تعليقات:
إرسال تعليق