عجله واحلي من الاتوبيس
واحلي من المترو والعربيه
لا قلبة دماغ ولا مرور ولا ترخيص
ولاجراج وادفع نقديه
وفي الشقه اعمل لها كيس
وتبقي الحلوة قدام عينيه
وسيبك من التهييس
وسيبك من الاونطجية
وياسلام بقي
لو العجله بدورين
ونعملها تذاكر
ونلم النقديه
ونروح الشغل بسرعه
والعيال تلحق تذاكر
ونعمل فيها للخضار شنطه
والست تبطل تتعب وتعافر
والرحله تبقي اونطه
احنا بتوع الفن والخواطر
ويا سلام بقي
لما نعملها كشافات
ونأجرها بالليل
والفلوس تبقي معانا شولات
ومن كترها منعرفش نوديها فين
ونبقي من البهوات
والبنوك تتملي بالملايين
ونحاول نصرفها بالكميات
الله يرحمك يا عم اسماعيل ياسين
عجله توفر بنزين
ولا تقول خد ولاهات
حتي الميه والكروسين
ولا نعمل مشاكل ف الطرقات
ولا زحمه ولا حراميه ولا نصابين
احلي سلام واجمل تحيه
نعمه وفضل تمنع شر العين
وعلي فكره اعملها منفاخ
ووقت الراحه ننام جواه
زي العربيات الاوربية والامركتين
وممكن اعملها صندوق
ووقت الفسحه تكون حنطور
والعيال ترقص وتهيص
عجله واحلي من الاتوبيس
واحلي من المترو و العربيه
بسيوني صديق
ليست هناك تعليقات:
إرسال تعليق