المشهد الثالث من اوبريت ( حكاية السلطان)
**********************
بهلول المهبول
بيقولوا عليه مهبول
وهو اعقل مني ومنك
عدي علي السلطان وقاله كفايه
الناس تعبت وملت من الحكايه
والشاعر اللي انت موته
هاتفضل ذكراه للنهايه
وهايبقي بطل
وانت ها تبقي ست بملايه
بهلول هطرس
وقال كلام مش مفهوم
اللي يفهمه المكوي بالنار
والغلبان والمظلوم
واللي اتحمل الاذيه
ومن ضمن كلامه انا خايف
انا خايف يجي في يوم البس قضيه
متلفقه ومتزبطه و محشيه
وفين السائل والمسئول
دور علي اللي يسال عنك يابهلول
ياأخي قطع لساني اللي خلاني
وسط اللصوص والحراميه
انا كنت ساكت وعايش في حالي
يظهر ان قربت من نهايتي الابديه
ده انتم خاليتو
العاقل بقي مجنون
والصبي بقي صبيه
السلطان ابو ريشه العجل
ابو كرش ابو طاقيه اتفزع
وقام علي حيله وقال
دقوا الطبول
وزابنية جهنم قبضوا علي بهلول
وبعد كده اتعملت التمثليه
من كلمات بسيوني صديق
ليست هناك تعليقات:
إرسال تعليق