حال الشباب
قلبي علي الشباب اتوجع
لما سكت صوته وهجع
وبقا دلدول وساق فى الدلع
ولا يفرق معاه عيب ولا شرع
وحجات باسم الموضه ابتدع
قصة شعر على شكل القذع
والبنطلون يعينى عليه انقطع
وسلسله بالرقبه وماشى ينقصع
وعلى القهوى والنواصي يتلطع.
وعامل حواجبه بالفتله ومشمع
يا حسره عليهم شباب منعنع
وحياته ضاعت ومعدش ينفع
وان دعيته للخير بقفاه يرجع
وللاسف تسمع منه كلام يوجع
وعقله يا عينى زي طفل بيرضع
وتصرخ تقول الشباب محدش يسمع
يا ريت الزمن يعود لينا ويرجع
وان لاقى شباب لامته بر وينفع
ده مش شتائم ولا بجعجع
حال الشباب واللى ما يشتر ينفع
وشباب لفعل الحير يهرع
ولابواب الخير يدق عليها ويقرع
ويعطفى على الفقير حتى يشبع.بقلم محمد الصيرفى
ليست هناك تعليقات:
إرسال تعليق