زجل
(قالولي صاحبك)
قالولي
صاحبك بوشين
أنا قلت الله أعلم بالباطن
قالولي
إنت مسكين
متعرفش باللي جواه ساكن
ولما
شفتك
على حقيقتك
قلت هما على حق ولكن :
أنا
متربيتش
عشان أجرحك
وأعمل زيك. ف الأماكن
مش
من طبيعتي
أطعن ف الضهر
والكلام الحلو . ضامن
مش
ح أخلف
إبن يكدبني
ويحرق . شجر الجناين
ولا
ح قول
مصلحتي .
وأركب موج البحر والسفاين
عمري
ماهنسى الزمالة
ولا هاجي أختار وأعاين
ولا
ح نقي
لون رمادي
وإختياركم أسود داكن
ولا
ح أغير
نفسي مهما
كان الكرسي له بريق وفاتن
ولا
هضرب
تحت الحزام
وأنا السلام جوايا آمن
خلوني
فى ضريح خيالي
ليه نعيش في كهف المدافن؟
ليه
نقلب
الحق باطل
وهوه قدام عنينا وفينا باين؟
أنا
ح أقولها
كلمة
بتقولها. عامة
جوه الشوارع والمداين
حسبي الله
ونعم الوكيل
في :
كل صاحب ظالم. وكل خاين
حربي علي
شاعرالسويس
ليست هناك تعليقات:
إرسال تعليق