.....انا العاشق ......
في حبك انا المجنون
انا العاشق لتفاصيلك
لشجرة توت علي نيلك
لزرع اخضر علي ارضك
لهمس الريح لنخيلك
وانا المفتون
بشمس نهارك وضياها
بلمعة نجومك في سماها
بامالك باحلامك
ببحورك وشطأنك
ببكرة اللي جاي بالفرحة
غازلها توب علشانك
وعلشانك
هشيل الدمعة من عينك
واشعل بايدي قناديلك
تنور لك سواد ليلك
واغنيلك
يا ساكنة جوة جوايا
يا همي وفرحي وأسايا
❤ يا ام الدنيا يا امايا ❤
#صباح حمدي
Awel El Nahar
ليست هناك تعليقات:
إرسال تعليق